Татарстан Милли Банкында - яңа идарәче
Моңа кадәр Марат Шәрифуллин идарәче урынбасары, соңыннан ТР Милли Банкы башлыгы урынбасары вазифаларын вакытлыча башкаручы булган.
Скопировать ссылку
(Казан, 11 декабрь, «Татар-информ»). Марат Шәрифуллин Татарстан Милли Банкына яңа идарәче итеп билгеләнде, дип хәбәр иттеләр Россия банкында.
«Россия Банкы рәисенең 2017 елның 8 декабрендәге боерыгы нигезендә, Шәрифуллин Марат Дамир улы РФ Үзәк Банкы Идел-Нократ баш идарәсенең Татарстан Республикасы буенча Милли Банкы бүлеге идарәчесе итеп билгеләнде», - диелә регулятор хәбәрендә.
Моңа кадәр Марат Шәрифуллин идарәче урынбасары, соңыннан ТР Милли Банкы башлыгы урынбасары вазифаларын вакытлыча башкаручы булып эшләгән иде.