Җәмгыять 17 ноябрь 2009 13:07

Татарстан мелиораторлары инвалидларга хәйрия ярдәме күрсәтте

Алар инвалидларның “Ышаныч” иҗтимагый оешмасына бинаны ремонтлау өчен акча күчерде

Скопировать ссылку

(Казан, 17 ноябрь, “Татар–информ”, Ирина Игнатьева). “Татмелиорация” траст компаниясе” ААҖ вәкилләре инвалидларның “Ышаныч” (Казан) иҗтимагый оешмасына хәйрия ярдәме күрсәтте. Алар әлеге оешма урнашкан бинаны ремонтлау өчен акча күчерде. Бу хакта “Татар–информ” агентлыгына “Татмелиорация” траст компаниясе” ААҖ аппараты җитәкчесе Альберт Зарипов хәбәр итте.
Республиканың авыру сабыйлар тәрбияләнә торган балалар, интернат йортлары җитәкчеләренең күбесе ТР мелиораторлары белән шәхсән таныш. Бу очраклы хәл түгел. Менә инде берничә ел “Татмелиорация” траст компаниясе” ААҖ вәкилләре мохтаҗларга хәйрия ярдәме күрсәтә. Яңа уку елы башланыр алдыннан алар аз тәэмин ителгән гаиләләргә балаларын мәктәпкә әзерләргә ярдәм итә. Мелиораторларга сәламәтлекләре какшау аркасында кыен хәлдә калган аерым гражданнар да ярдәм сорап мөрәҗәгать итә.
Бу юлы мелиораторлар инвалидларның “Ышаныч” иҗтимагый оешмасына хәйрия ярдәме күрсәтте.

Сәхифәләр

Татарстан мелиораторлары инвалидларга хәйрия ярдәме күрсәтте