Фән һәм мәгариф 9 август 2023 16:29

Татарстан Мәгариф министрлыгында олимпиада җиңүчеләренә түләүләр турында сөйләделәр

Скопировать ссылку

Татарстан мәктәп укучылары республика, бөтенроссия һәм халыкара олимпиадаларда җиңү өчен акчалата түләүләр алачак. Бу хакта ТР мәгариф һәм фән министры урынбасары Минзәлия Закирова «Татар-информ»да узган матбугат конференциясендә сөйләде.

«Узган ел олимпиадада җиңү өчен түләүләр яңадан каралды. Россия дәрәҗәсендә халыкара олимпиадаларда җиңүчеләр 1 млн сум, көмеш медальгә лаек булганнар өчен 500 мең сум, бронза медаль өчен 400 мең сум ала», – дип билгеләп үтте спикер.

Республика олимпиадаларында җиңү өчен Татарстан мәктәп укучыларына 10 мең сум түлиләр. Республикада Бөтенроссия олимпиадасының йомгаклау этабында җиңүчеләр 200 мең сум, ә призерлар 100 мең сум ала.

Моннан тыш, 2023 елда медаль ияләре һәм йөз балл җыючылар өчен КФУга кергәндә 100 мең сум күләмендә бер тапкыр бирелә торган түләү каралган. «Минем уйлавымча, ярдәм моның белән генә бетмәячәк, чөнки без барыбыз да талантлы балаларның республикада калуы һәм кирәклеге белән кызыксынабыз», – дип искәртте Закирова.

Сәхифәләр

Татарстан Мәгариф министрлыгында олимпиада җиңүчеләренә түләүләр турында сөйләделәр