Җәмгыять 10 июль 2021 10:00

Татарстан һәм Удмуртия арасында янәшә чикләрне билгелиләр

Татарстан белән Удмуртия арасындагы чикнең озынлыгы 800 километрдан артык.

Скопировать ссылку

(Казан, 19 июль, «Татар-информ»). «Татарстан Республикасы пространство мәгълүматлары фонды» оешмасының геодезия һәм картография бүлеге башлыгы Андрей Логашин Ижауда Удмуртия Республикасы вәкилләре белән ике республика арасында янәшә чикләрне билгеләү мәсьәләсе буенча очрашты.

ТР Җир һәм мөлкәт мөнәсәбәтләре министрлыгы матбугат хезмәте хәбәр иткәнчә, бу ике республиканың чик буенча бәхәсле участокларны килештерү буенча беренче эшлекле очрашуы. Татарстан белән Удмуртия арасындагы чикнең озынлыгы 800 километрдан артык. Очрашуда катнашучылар территориянең яртысын гына карарга өлгерде, анда 37 бәхәсле участок табылган. Аларның уналтысы сөйләшүләрдә хәл ителгән, тагын унбер участок буенча өстәмә башлангыч материаллар җыярга кирәк. Калган унысы эшче төркем утырышларында тикшереләчәк һәм килештереләчәк.

Ике республика арасында янәшә чикләрне билгеләү буенча эш дәвам итәчәк.

#Удмуртия #Татарстан

Сәхифәләр

Татарстан һәм Удмуртия арасында янәшә чикләрне билгелиләр