Татарстан мәктәпләрнең яңа уку елына әзерлеге буенча видеоконференциядә катнашты
Россия Премьер-министры Дмитрий Медведев үткәргән киңәшмәдә республиканы Татарстан Премьер-министры Алексей Песошин тәкъдим итте.
(Казан, 29 август, «Татар-информ»). Яңа уку елына мәгариф системасының әзерлеге мәсьәләләренә багышланган киңәшмәдә республиканы Татарстан Премьер-министры Алексей Песошин тәкъдим итте. Видеоконференцэлемтә режимындагы киңәшмәне Россия Премьер-министры Дмитрий Медведев үткәрде. Бу турыда Татарстан Хөкүмәте матбугат хезмәте хәбәр итә.
Быел Россиядә 15 миллионнан артык укучы белем алачак, дип искәртте Медведев.
Аның сүзләренчә, Россия мәктәпләренең күпчелеге яңа уку елына ремонтланган һәм җиһазланган. Яңа мебель сатып алынган, сыйныфларны яктырту буенча эшләр үткәрелгән, спорт заллар яңартылган һәм ашханә ремонтланган, диде РФ Хөкүмәте Рәисе.
Моннан тыш, Медведев 6 елда гомуми белем бирү сыйфаты буенча дөньядагы иң яхшылар унлыгына керү бурычын куйды.
