Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан мәгариф үсеше өчен федераль бюджеттан 135 млн сум акча ала
Россия Федерациясе Хөкүмәте регионнар арасында 2520,6 млн сум акча бүлде.
(Казан, 28 гыйнвар, “Татар-информ”). Татарстан Республикасы 2016 – 2020 мәгарифне үстерү максатчан программасы буенча быел федераль бюджеттан 135,3 млн сум акча алачак. Бу документ бүген Россия Федерациясенең хокукый мәгълүмат порталында бастырылган.
Дәүләт регионнары арасында 2520,6 млн сум күләмендә субсидияне бүлү турында карарга 26 гыйнвар көнне Россия Хөкүмәте башлыгы Дмитрий Медведев кул куйган.
“Субсидияләр, аерым алганда әһәмитяле һәм өметле һөнәрләр һәм махсус урта һөнәри белгечлек буенча кадрлар әзерләүгә, технологияләрне һәм укыту эчтәлеген яңа мәгариф федераль дәүләт стандартларына туры китереп яңартуга; гомуми белем бирүнең барлык дәрәҗәләре сыйфатын бәяләүдә региональ системаларның үсешенә тотылачак”, – диелгән карарда.
Аерым алганда, Татарстанга төбәкара компетенцияләр үсешенә һәм махсус урта белем бирүче уку йортлары үсешенә 87324,8 мең; китапханә эшенә һәм предмет концепцияләрен тормышка ашыру буенча стажировка мәйданнарына, яраклаштырылган мәгариф программаларын тормышка ашыручы оешмалар булдыруга 11160,4 мең акча биреләчәк. Тагын 19509,9 мең акча мәктәпкәчә белем бирү региональ үзәген будыруга һәм республика мәктәпләрендә өстәмә программаларны кертүгә тотылачак. Калган 17300 мең акча гомуми белем бирүне бәяләүнең бәйсез төбәк системасын булдыруга юнәлтеләчәк.
Кызыклы яңалыкларны күзәтеп бару өчен Телеграм-каналга язылыгыз