news_header_top
16+
news_header_bot
news_top

Татарстан Мәгариф һәм фән министрлыгы: “Акыллы башлар” өчен көрәшергә кирәк”

ТР мәгариф һәм фән министрының урынбасары Вадим Хоменко Татарстанда талантлы яшьләр турында мәгълүмат базасы булдырырга кирәк, дип саный

(Казан, 16 февраль, «Татар-информ», Кристина Иванова). ТР мәгариф һәм фән министрының урынбасары Вадим Хоменко бүген Казанда яшь галимнәр һәм белгечләрнең “Киләчәкне каршылап” исеме астында узган I форумда “акыллы башлар” өчен көрәшергә кирәк, дип белдерде.
ТР мәгариф һәм фән министрының урынбасары фикеренчә, талантлы яшьләр өчен мәктәп эскәмиясеннән алып көрәшергә кирәк. Моның өчен мондый яшьләр турында мәгълүмат базасын булдырырга һәм аны карьера баскычы дәвамында, грант, федераль максатчан программа, матди ярдәм итү аша барлап торырга кирәк.
Россия һәм чит ил вузлары иң талантлыларны дәрәҗәле үзәкләргә укырга чакыра һәм, кагыйдә буларак, алар аннан кайтмыйлар, алар “акыллы башлар”ны мәктәп эскәмиясеннән үк барлый башлый, дип белдерә Вадим Хоменко.
Министр урынбасары сүзләренчә, бу планнарны яшь галимнәргә ярдәм итү буенча бердәм республика программасы кысаларында тормышка ашырырга мөмкин.

news_right_1
news_right_2
news_bot