Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан мөфтияте һәм Мөселманнарга психологик ярдәм оешмасы хезмәттәшлек итәчәк
Ике иҗтимагый оешма киләчәктә балалар һәм яшьләр, ирләр һәм хатын-кызлар кебек төрле аудиторияләр белән эшләячәк.
(Казан, 27 февраль, "Татар-информ"). Татарстан мөселманнары Диния нәзарәте һәм Мөселманнарга психологик ярдәм күрсәтү ассоциациясе үзара хезмәттәшлек турында килеште. Бу турыда Диния нәзарәте матбугат хезмәте хәбәр итте.
Ассоциациянең идарә рәисе Алия (Ольга) Павлова җитәкчелегендәге делегация Татарстан мөфтие Камил хәзрәт Сәмигуллин, аның урынбасары Рәфикъ хәзрәт Мөхәммәтшин белән очрашты. Очрашуда Диния нәзарәте һәм Ассоциация белән хезмәттәшлек турындагы килешүгә кул куелды, диелгән әлеге хәбәрдә.
Мөселманнарга психологик ярдәм күрсәтү берлегенә 2017 елның 29 сентябрендә нигез салына. “Мөселманнарга психологик ярдәм күрсәтү, социаль эшчәнлек буенча Татарстан мөфтияте үрнәк булып тора һәм бу юнәлештә зур эш башкара”, - дип сөйләгән ассоциация җитәкчесе.
Ике иҗтимагый оешма киләчәктә балалар һәм яшьләр, ирләр һәм хатын-кызлар кебек төрле аудиторияләргә белән эшләү буенча уртак проектлар, социаль программаларны тормышка ашыру, гаиләләрне ныгыту өлкәсендә, махсус әдәбият нәшер итү, вебинарлар һәм консультацияләр үткәрү һ.б. мәсьәләләр буенча эшләргә исәпли, диелгән Диния нәзарәте хәбәрендә.
Кызыклы яңалыкларны күзәтеп бару өчен Телеграм-каналга язылыгыз