news_header_top_970_100
news_header_bot_970_100

Татарстан мөфтиенең Корбан гаете котлавы республика мәчетләренә алдан юлланган

Башкаладан шактый еракта яшәүче дин кардәшләребез дә бәйрәм көнне мөфтинең котлавын һәм нәсыйхатен ишетеп шатлансын өчен, котлаулар шул рәвешле алдан таратыла

(Казан, 18 ноябрь, “Татар-информ”). ТР Мөселманнары Диния нәзарәте рәисе Госман Исхакыйның Корбан бәйрәме белән котлаулары мәчетләргә җибәрелгән инде. Башкаладан шактый еракта яшәүче дин кардәшләребез дә бәйрәм көнне мөфтинең котлавын һәм нәсыйхатен ишетеп шатлансын өчен, котлаулар шул рәвешле алдан таратыла. Бу хакта Islamrt.ru сайты хәбәр итә. 
Традиция буенча имам-хатыйплар бәйрәм гыйбадәтләре вакытында мөфтинең халыкка мөрәҗәгатен укый. Мөфтинең котлавы белән бергә шулай ук вәгазьнең татар телендәге якынча тексты, гәрәп телендәге хөтбә һәм аның кирилл язуындагы транскрипциясе дә юллана.

news_right_column_1_240_400
news_right_column_2_240_400
news_bot_970_100