Дин 16 ноябрь 2018 12:27

Татарстан мөфтие: Сәкинә Шакир кызы рухына кылган догаларны Раббыбыз кабул итүен сорыйбыз

Бүген Казанның Галиев мәчетендә Татарстанның беренче президентының хәләл җефете рухына багышлап дога кылачаклар.

Скопировать ссылку

(Казан, 16 ноябрь, "Татар-информ"). Бүген Казанның Галиев мәчетендә җомга намазыннан соң Татарстанның беренче Президенты, Дәүләт Киңәшчесе Минтимер Шәймиевнең хәләл җефете Сәкинә Шакир кызы рухына багышлап, дога кылачаклар һәм Коръән аятьләре укыячаклар. Бу хакта ТР Диния нәзарәте матбугат хезмәте хәбәр итте.

Сәкинә Шакир кызы Шәймиева, каты авырудан соң, бүген бакыйлыкка күчте. Татарстан мөфтие Камил хәзрәт Сәмигуллин аның гаиләсенең кайгысын уртаклашты.

"Без ихлас йөрәктән Сәкинә Шакир кызы рухына кылган догаларыбызның Раббыбыз тарафыннан кабул ителүен сорыйбыз. Аллаһы Тәгалә аны Үзенең Рәхмәте белән бүләкләп, Җәннәт капкаларын ачсын иде. Барыбыз да Аллаһтан килдек һәм Аллаһка кайтачакбыз!" - диде мөфти үзенең кайгынамәсендә.

#Сәкинә Шәймиева #Шәймиев

Сәхифәләр

Татарстан мөфтие: Сәкинә Шакир кызы рухына кылган догаларны Раббыбыз кабул итүен сорыйбыз