Татарстан мөфтие республика халкын якынлашып килүче Корбан бәйрәме белән котлады
"Динебездәге әдәп-әхлакның бер билгесе - үзеңне һәм малыңны корбан итеп, Аллаһ ризалыгы өчен башкаларга игелек кылу", - ди Татарстан мөфтие.
(Казан, 10 август, "Татар-информ"). Татарстан мөфтие Камил хәзрәт Сәмигуллин республика халкын якынлашып килүче Корбан бәйрәме белән котлады.
"Бисмилләһир-Рахмәнир-рахим! Әссәламүгаләйкүм вә рахмәтуллаһи вә бәрәкәтүһү!
Аллаһы Тәгалә барлык игелекләребезне кабул итсен, гыйбадәтләребез өчен савапларын арттырсын, ике дөньяда да Үзенең чиксез мәрхәмәтен насыйп итсә иде! Нəфесебезне җиңеп, Бөек Зат риза булырлык гамəллəр кылырга һəм рəхмəтле булган җəннəтлəренə ирешүлəребез турында дога кылам. Корбан гаете мөбарәк булсын!", - диелгән Татарстан мөфтие Камил хәзрәт Сәмигуллин котлавында.