news_header_top_970_100
16+
news_header_bot_970_100

Татарстан мөфтие Камил хәзрәт Сәмигуллин КПССның Татарстан өлкә комитеты беренче секретаре Гомәр Усмановка җеназа намазы укыды

Мәрхүм бүген җирләнде

 (Казан, 25 февраль, “Татар-информ”). Бүген ТРның иң югары җитәкчелеге белән берлектә, Татарстан мөфтие Камил хәзрәт Сәмигуллин КПССның Татарстан өлкә комитеты (обком) беренче секретаре Гомәр Усмановның “Казан” милли мәдәният үзәгендә үткәрелгән җеназасында катнашты.

Камил хәзрәт Сәмигуллин һәм аның урынбасары Рөстәм хәзрәт Хәйруллин мәрхүмнең туганнарының һәм якыннарының кайгысын уртаклашты.

Казанның Иске Татар бистәсе зиратында мөфти Камил хәзрәт мәрхүмгә җеназа намазы укыды. Гомәр Усмановны соңгы юлга озатырга килүчеләр Аллаһтан аның гөнаһларын кичерүен һәм урынын оҗмахта насыйп итүен сорап, бергәләп дога кылдылар, дип хәбәр итәләр ТР мөселманнары Диния нәзарәтеннән.

autoscroll_news_right_240_400_1
autoscroll_news_right_240_400_2
news_bot_970_100