Дин 15 октябрь 2018 12:14

Татарстан мәчетләрендә балалар өчен дини дәресләр башланды

Сабыйларга гарәп графикасы һәм ислам дине нигезләре, шул исәптән тәрбия-әхлак, дини гыйбадәт тәртипләре өйрәтелә.

Скопировать ссылку

(Казан, 15 октябрь, "Татар-информ"). Татарстан мәчетләрендә балалар өчен дин сабаклары башланып китте. 763 мәчет каршында бушлай курсларда дини гыйлем бирәләр. Бу турыда Татарстан мөселманнары Диния нәзарәте матбугат хезмәте хәбәр итте.

Курсларга 20 меңгә якын кеше йөри. Шуларның 2 меңе - 6-18 яшьтәге яшьтәге балалар. Сабыйларга гарәп графикасы һәм ислам дине нигезләре, шул исәптән тәрбия-әхлак, дини гыйбадәт тәртипләре, Пәйгамбәребез тормышыннан мисаллар белән укытыла. Дәресләр шимбә-якшәмбе көннәрендә уза. Мисал өчен, узган атнаның ял көннәрендә район имам-мөхтәсибләре катнашында Балык Бистәсе һәм Мамадышның Үзәк мәчетләрендә балалар өчен шундый дәресләрне ачып җибәрү тантанасы булды. Балаларга кирәкле әдәбият, уку әсбаплары тапшырылды диелгән әлеге хәбәрдә.

Балаларга сабак бирүгә Россия ислам институты һәм Диния Нәзарәтенең “Яшьләр бистәсе” уртак проекты кысаларында институтның 13 шәкерте дә кушылган. Алар Татарстанның төрле мөхтәсибәтләренә чыгып балаларга дәрес бирәләр, төрле кызыклы чаралар, уеннар уздыралар.

#Диния нәзарәте #мәчет #дин сабагы

Сәхифәләр

Татарстан мәчетләрендә балалар өчен дини дәресләр башланды