Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан һәм Башкортстан депутатлары Казандагы фаҗига корбаннарын искә алды
Башкортстан Дәүләт Җыены - Корылтай рәисе Константин Толкачев 175 нче гимназиядәге фаҗигане «башка сыймаслык хәл, балаларга карата коточкыч миһербансызлык, вәхшилек» дип бәяләде һәм корбаннарны бер минут тынлык белән искә алуны тәкъдим итте.
(Актаныш, 18 май, «Татар-информ», Гөлнар Гарифуллина). Башкортстан Дәүләт Җыены Корылтай рәисе Константин Толкачев Казанның 175 нче гимназиясендәге фаҗига корбаннарын бер минут тынлык белән искә алырга тәкъдим итте.
Бу минутларда Актанышта Татарстан Дәүләт Советының Мәгариф, мәдәният, фән һәм милли мәсьәләләр комитеты һәм Башкортстан Дәүләт Җыены — Корылтаеның Мәгариф, мәдәният, яшьләр сәясәте һәм спорт комитетының уртак күчмә утырышы уза.
«Беренче чиратта, Башкортстан башлыгы Радий Хәбиров, парламент, бөтен республика халкы исеменнән, 11 майда Казан гимназиясендәге фаҗига уңаеннан кайгы уртаклашу сүзләрен белдерәм. Бик кайгырабыз, якыннары, туганнарына кызгану хисләрен җиткерәм. Яраланганнарга тизрәк терелүләрен телим», — диде Константин Толкачев.
Ул гимназиядәге фаҗигане «башка сыймаслык хәл, балаларга карата коточкыч миһербансызлык, вәхшилек» дип бәяләде. Аның сүзләренчә, бу хәл балаларның иминлегенә игътибарны көчәйтүне сорый.
Кызыклы яңалыкларны күзәтеп бару өчен Телеграм-каналга язылыгыз