Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Лисичанск һәм Рубежное шәһәрләренә 240 тоннадан артык төзелеш материалы китерде
Татарстан шефлыгында булган Лисичанск һәм Рубежное шәһәрләренә зур масштаблы ярдәм партиясе китерелде.
Республика җитәкчелеге ярдәме белән 20дән артык фура 5000 данә шифер материал, 4900 рулон стеклоизол, кадаклар, цинкланган материал, түбә ябу өчен агач, монтаж күбеге һәм башка бик күп әйберләрне китереп тапшырды.
Көзге-кышкы сезон алдыннан Лисичанск һәм Рубежное шәһәрләренең су белән тәэмин итү системаларына ремонт эшләре үткәрү өчен 460 җылыту радиаторы, 5 инверторлы эретеп ябыштыру аппараты, электродлар, төрле диаметрлы 12996 метр торба, краннар, муфталар, отводлар һәм күчмә җайланмалар китерелгән.
«Кабул ителгән төзелеш материаллары безнең шефлыкка алынган шәһәрләрне җылыту сезонына әзерләү темпларын арттырырга ярдәм итәчәк. Төзелеш материаллары исемлеге, өстенлекле объектларда ремонт эшләрен сыйфатлы башкару өчен, турыдан-туры шәһәр администрациясе белән бергә формалаштырылды», - диде ТР вице-премьеры Фәнил Әһлиуллин.
Кызыклы яңалыкларны күзәтеп бару өчен Телеграм-каналга язылыгыз