Татарстан кызы дзюдо буенча Россия Кубогында алтын медаль яулады
Абаканда узган ярыштан Татарстанның дзюдо буенча хатын-кызлар җыелма командасы вәкилләре җиңүләр белән кайтты.
Скопировать ссылку
(Казан, 21 ноябрь, "Татар-информ"). Хакасия башкаласы Абаканда узган Россия Кубогы ярышларында Татарстанның дзюдо буенча хатын-кызлар җыелма командасы вәкилләре бер алтын медальгә һәм ике көмеш медальгә лаек булды, дип хәбәр итә Татарстанның дзюдо федерациясе матбугат хезмәте.
48 килограммга кадәр категориядә Татарстан кызы Аида Бикбовага тиңнәр булмады – ярышның алтын медален ул алды. Республиканың шулай ук көчле спортчылары Александра Гималетдинова белән Мария Шекерова 78 килограмм һәм аннан зуррак авырлыкта көмеш медальләр белән бүләкләнделәр. Якын арада дзюдо осталары халыкара ярышларда Россия өчен чыгыш ясаячак.
