Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан коткаручылары: Суны суыртып кына калмадык, бәлага тарыганнарга ярдәм иттек
Татарстан Республикасының мобиль отряды Оренбург өлкәсендә су басу нәтиҗәләрен бетерү буенча эшен тәмамлый һәм иртәгә туган якка кайта.
Коткаручылар һәм янгын сүндерүчеләр Илек авылында дамба төзүдә һәм аның торышын мониторинглауда катнашалар, шулай ук Оренбург өлкәсенең өч авылында су дәрәҗәсен контрольдә тоталар. Моннан тыш, Гадәттән тыш хәлләр министрлыгы хезмәткәрләре су баскан шәхси йортлардан документлар, азык-төлек һәм башка кирәкле әйберләр китерүдә ярдәм иткәннәр.
Оренбургта Татарстан янгын сүндерүчеләренең һәм коткаручыларның төп бурычы су суырту булды. Кичә генә дә су баскан 10 йортны судан азат итәргә мөмкин булды, 1490 куб метр су суыртылды.
Оренбургта эшләгәндә Татарстан коткаручылары һәм янгын сүндерүчеләр 10569 «куб» су суыртканнар – бу 422 тимер юл цистернасы күләме. Нәтиҗәдә 93 йорт һәм ике урам судан азат ителә.
«Безнең өчен иң мөһиме - бәлагә тарыган кешеләргә ярдәм итү иде. Зыян күргән һәм үз мөлкәтләрен югалткан җирле халыкны күрү мораль яктан авыр. Без аларны һәрьяклап тынычландырдык, ярдәм иттек»,-дип сөйләде Татарстан Республикасының Эзләү-коткару хезмәтеннән Рөстәм Курамшин.
Кызыклы яңалыкларны күзәтеп бару өчен Телеграм-каналга язылыгыз