Татарстан космонавты «Җиңү ракетасы» экипажын җитәкләячәк
Скопировать ссылку
Байконур космодромында Бөек Ватан сугышында Җиңүнең 80 еллыгына багышланган ракета җибәрүгә әзерлек эшләре төгәлләнә. Бүген ракетаның корпусына рәсми символика төшерделәр. Бу хакта «Роскосмос» дәүләт корпорациясе Телеграм-каналында хәбәр итте.
Ракета «Җиңү ракетасы» дип аталган. 8 апрельдә ул идарә ителә торган яңа «Союз МС-27» кораблен орбитага җибәрәчәк. Экипаж составында – Татарстан космонавты Сергей Рыжиков, Россия космонавты Алексей Зубрицкий, шулай ук NASA астронавты Джонатан Ким.