Татарстан Көрәш федерациясенә яңа рәис сайланды
Скопировать ссылку
Бүген, 15 февраль көнне, Татарстан Көрәш федерациясенә яңа рәис сайланды. Хәзер федерацияне Россия Дәүләт Думасы депутаты Рөстәм Кәлимуллин җитәкләячәк. Аны президиум утырышында бертавыштан сайладылар.
«Һәр әйбернең башы булган кебек ахыры да була, әлеге карар Татарстан Рәисе Рөстәм Миңнеханов белән киңәшләшеп кабул ителде», – диде Татарстан Көрәш федерациясенең элеккеге рәисе Марат Әхмәтов.
- 2001 елдан Көрәш федерациясен Татарстан Республикасы Дәүләт Советы Рәисе урынбасары Марат Әхмәтов җитәкләгән иде, ул үз теләге белән вазифасыннан китте.