Татарстан командасы «Россия студентлар язы»нда Гран-прига лаек булды
Казанда «Россия студентлар язы»XXXIII бөтенроссия фестивале тәмамланды. Гран-прины Татарстан командасы алды.
Казанда узган фестивальгә илнең 82 төбәгеннән 2 меңнән артык студент килде. Алар дүрт көн дәвамында ун иҗат юнәлешендә үз номерларын күрсәтте. Быел фестивальнең төп темасы Ватанны саклаучылар һәм Җиңүнең 80 еллыгын бәйрәм итү елына багышланганды.
Фестивальне ябу тантанасында «Баскет-холл» сәхнәсендә иҗади мәйданчыкларда үзен күрсәткән иң яхшы коллективлар чыгыш ясады, шулай ук җиңүчеләр бүләкләнде.
Татарстан Республикасы яшьләр эшләре министры Азат Кадыйров искәрткәнчә, «Россия студентлар язы» инде дүртенче тапкыр Татарстанда үтә. Моңарчы фестиваль Казанда 2001, 2009 һәм 2016 елларда узды.