Татарстан командасы чаңгы ярышы буенча Россия чемпионатында катнаш эстафетада җиңде
Скопировать ссылку
Татарстан командасы чаңгы ярышы буенча Россия чемпионатында катнаш эстафетада беренче урын яулады. Лидия Горбунова, Александр Большунов, Вероника Степанова һәм Сергей Ардашев составындагы команда дистанцияне 58 минут 57,7 секундта үтте.
Узышта икенче урынны Ленинград өлкәсе командасы (Елизавета Маслакова, Илья Трегубов, Екатерина Булычева, Александр Бакуров) алды. Алар җиңүчеләрдән 1,6 секундка гына калышты.
Призерлар өчлеген Төмән өлкәсе җыелма командасы йомгаклады. Команданы Алиса Жамбалова, Алексей Червоткин, Елизавета Пантрина һәм Александр Терентьев тәкъдим итте. Алар лидерлардан 2 секундка калышты.