Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан көллиятләре һәм техникумнарында Мәскәү электрон мәктәбе системасы кертелә
Татарстанның барлык көллиятләрендә һәм техникумнарында агымдагы ел дәвамында Мәскәү электрон мәктәбе системасын кертәләр. Бу хакта ТР Дәүләт Советының Мәгариф, мәдәният, фән һәм милли мәсьәләләр комитеты утырышында ТР мәгариф һәм фән министры урынбасары Рамил Хәйруллин хәбәр итте.
«Системаны сынау өч мәгариф оешмасында – Казан мәгълүмати технологияләр һәм элемтә техникумында, Кече бизнес һәм эшмәкәрлек көллиятендә, Әлмәт политехник техникумында уза», – дип сөйләде ул.
Хәйруллин сүзләренчә, узган елның апрелендә ил башкаласы Мәскәү электрон мәктәбе системасын урта һөнәри белем бирү учреждениеләренә эксперименталь кертү эшен тәмамланды. Шуннан соң шундый ук сынау проекты Татарстанда старт алды.
Республика мәктәпләре 2024 ел башында Мәскәү электрон мәктәбе нигезендә төзелгән «Электрон белем бирү» модернизацияләнгән платформасына күчте, дип өстәде мәгариф һәм фән министры урынбасары.
Аның сүзләренчә, хәзер системага барлык мәктәпләр дә тоташтырылган, 512 меңнән артык укучы һәм 37 меңнән артык педагогик хезмәткәр аның кулланучылар булган.
Кызыклы яңалыкларны күзәтеп бару өчен Телеграм-каналга язылыгыз