Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан китап нәшрияты һәм «КИТАП» башкорт нәшрияты яңа килешүгә кул куйды
Уфада Башкортстан Республикасы Язучылар берлеге йортында Татарстан китап нәшрияты һәм Зәйнәп Биишева исемендәге «КИТАП» башкорт нәшрияты арасында хезмәттәшлек турында яңа килешү имзаланды. Документ «Дуслык киштәсе» сериясе кысаларында бергәләп китаплар чыгаруны дәвам итүне күздә тота, дип хәбәр итә Татарстан китап нәшрияты.
Тантанада Россия Язучылар берлегенең җаваплы секретаре Николай Иванов, Россия китап нәшриятчылары ассоциациясе президенты Константин Чеченев, Башкортстан матбугат һәм ММЧ агентлыгы җитәкчесе Максим Ульчев, «КИТАП» нәшрияты директоры Эльмира Хәйретдинова, Башкортстан Язучылар берлеге идарәсе рәисе Айгиз Баймөхәммәтов, шулай ук язучылар, нәширләр һәм ММЧ вәкилләре катнашты.
Нәшриятлар арасында беренче килешү 32 ел элек төзелгән, дип билгеләп үтелә. Шул вакыт эчендә «Дуслык киштәсе» сериясендә татар һәм башкорт авторларының 90 га якын китабы дөнья күрде.
Яңа килешү ике нәшриятның күпьеллык хезмәттәшлеген дәвам итәчәк һәм Татарстан белән Башкортстан арасында мәдәни элемтәләрне үстерүгә ярдәм итәчәк. Документ шулай ук Россия халыклары бердәмлеге елына багышланган.
Моннан тыш, чара кысаларында Татарстан китап нәшрияты директоры Рөстәм Галиуллин Рәми Гарипов медале белән бүләкләнде. Башкортстан Республикасы Язучылар берлеге тарафыннан гамәлгә куелган бүләк аңа төбәк әдәбиятын үстерүгә керткән өлеше өчен тапшырылды.
Кызыклы яңалыкларны күзәтеп бару өчен Телеграм-каналга язылыгыз