Җәмгыять 22 март 2005 15:32

^Татарстан китап нәшриятында Нурислам Хәсәновның «Хакыйкать хакы» дигән китабы чыкты

Скопировать ссылку

(Казан, 22 март «Татар-информ», Дания Моисеева). Татарстан китап нәшриятында язучы Нурислам Хәсәновның «Хакыйкать хакы» дигән китабы басылып чыкты. Анда әдипнең повестьлары, хикәяләре һәм парчалары тупланган.

Нурислам Хәсәнов заманында Татарстан язучылар берлегенең әдәби пропаганда бүлегендә эшләгән, хәзерге көндә ул әдәби иҗат белән шөгыльләнә. Аның әсәрләрендә тормыштан алып язган, авыл тормышын яктырткан вакыйгалар күп. Авторның китабында шулай ук үзенең бала чагы, яшүсмер вакытындагы вакыйгалар һәм халкыбызның матур гореф-гадәтләре чагылган хикәяләр дә бар.

Нурислам Хәсәновның «Хакыйкать хакы» китабында «Ак балык», «Язмышың сыналганда» һәм «Хакыйкать хакы» дигән повестьлар урын алган. Биредә шулай ук «Кичеккән күке», «Күбәләк», «Түбәтәйле көн» һәм «Тамгалы төлке» дигән хикәяләр дә бар. Авторның тормыштагы кызыклы ситуацияләрне чагылдырган кыска шаян парчалары да укучыларның игътибарын җәлеп итәрлек.

Сәхифәләр

^Татарстан китап нәшриятында Нурислам Хәсәновның «Хакыйкать хакы» дигән китабы чыкты