Татарстан Катарда Халыкара китап ярминкәсендә катнашырга планлаштыра
Скопировать ссылку
Татарстан 2028 елда Катарда узачак Халыкара китап ярминкәсендә катнаша ала. Бу хакта ТР Рәисе Рөстәм Миңнехановның Әмирлекнең мәдәният министры Абдулрахман бен Хамад әл Тани белән очрашуында сүз барды.
«Очрашу барышында Рөстәм Миңнеханов 2028 елда Катарда Халыкара китап ярминкәсендә катнашуга зур кызыксыну белдерде», – дип хәбәр иттеләр Татарстан лидерының матбугат хезмәтендә.
Шулай ук хезмәттәшлекнең мөһим юнәлеше итеп Рәис уртак күргәзмә һәм музей проектларын һәм киноиндустриядәге багланышларны атады.