Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан көрәшчеләренә мактаулы исемнәр бирелде — «Шәһри Казан»
Раил Нургалиев исәбендә хәзер мөмкин булган бар исемнәр дә бар бугай инде.
(Казан, 19 март, «Татар-информ», «Шәһри Казан», Радик Сабиров). Февраль–март айларында Татарстан көрәшчеләренә шактый гына мактаулы исемнәр бирелгән икән. Раил Нургалиев исә бер көн аерма белән ике исемгә лаек була!
Билбаулы көрәштән башлыйк. Россиянең спорт министры Олег Матыцин 3 мартта кул куйган карар нигезендә Илнар Закиров белән Фәрхәт Фәйзуллин — «Россиянең атказанган спорт остасы», ә Равил Салихов белән Габдеҗәлил Сөләйманов «Россиянең атказанган тренеры» исеменә ия була!
27 февраль көнне кул куелган приказда бер төркем егетләр көрәш буенча «Россиянең спорт остасы» дәрәҗәсенә лаек дип табыла: Динар Әүхәдиев, Инсаф Габдрахманов, Искәндәр Гарифҗанов, Данис Закиров, Эмиль Мәүлин, Раил Нургалиев, Ислам Фәлахов, Айрат Хәйруллин һәм Фарис Хуҗин.
Шунысы кызык: инде бер көннән — 28 февраль көнне чыккан приказда Раил Нургалиевка көрәш буенча «Россиянең халыкара класслы спорт остасы» исеме дә бирелә! Шундый ук исемгә Фирзәр Гыйниятуллин белән Ренас Кәлимуллин да лаек була.
Раил Нургалиев исәбендә хәзер мөмкин булган бар исемнәр дә бар бугай инде. Көрәш буенча ул — Татарстанның атказанган спорт остасы, билбаулы көрәш буенча — Россиянең атказанган спорт остасы да бит әле.
Барлык көрәшчеләрне һәм тренерларны котлыйбыз!
Кызыклы яңалыкларны күзәтеп бару өчен Телеграм-каналга язылыгыз