Татарстан көне уңаеннан Тверьдә бәйрәм концерты була
Концертка килүчеләр татар халкының җыр һәм биюләрен тамаша кыла алачак.
Скопировать ссылку
(Казан, 19 август, «Татар-информ», Гадел Әхмәтҗанов). Тверьдә Татарстан Республикасы көненә багышланган бәйрәм концерты уздырырга ниятлиләр.
«Программада Тверь өлкәсе татарларының автономиясе артистлары башкаруында татар җыр һәм биюләре булачак. Барыгызны да бәйрәмгә чакырабыз!» — диелгән Тверь өлкәсе татар милли-мәдәни автономиясенең Инстаграмдагы сәхифәсендә.
Концерт 11 сентябрьгә билгеләнгән. «Үткәрү урыны һәм вакыты хакында тулырак мәгълүматны соңрак хәбәр итәрбез», — диелгән постта.