Авыл 14 июнь 2018 10:13

Татарстан хуҗалыкларында кышкы чорга терлек азыгы әзерләү бара

Зәй, Азнакай, Нурлат, Аксубай, Кукмара, Алексеевск районнары иң күп үлән чаптырган.

Скопировать ссылку

(Казан, 14 июнь, "Татар-информ"). Татарстанда кышкы чорга терлек азыгы әзерләү дәвам итә. 13 июньгә республикада 17,5 мең тонна сенаж һәм 0,37 мең тонна печән әзерләнгән. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Гомумән алганда, күпьеллык үләннәр 26 мең гектардан артык мәйданда чаптырылган, шул исәптән печән – 5,4 мең га, сенаж – 11,5 мең га, яшел азык – 9,9 мең га, диелгән әлеге хәбәрдә.

Иң күп үлән чаптыручы районнар: Зәй (2,2 мең га), Азнакай (2,1 мең га), Нурлат (1,9 мең га), Аксубай (1,6 мең га), Кукмара (1,5 мең га) һәм Алексеевск (1,5 мең га) муниципаль районнары.

#авыл хуҗалыгы

Сәхифәләр

Татарстан хуҗалыкларында кышкы чорга терлек азыгы әзерләү бара