Җәмгыять 18 июль 2021 09:34

Татарстан Хезмәт министрлыгы киләсе атнада өстәмә ял көне турында искә төшерде

20 июльдә республикада Татарстан Президенты Указы нигезендә Корбан гаете башлана.

Скопировать ссылку

(Казан, 18 июль, «Татар-информ», Надежда Захарова). Киләсе атнаның сишәмбесе, 20 июль, Татарстан Президенты Указы нигезендә бәйрәм эшләми торган бәйрәм көн булып санала. Бу көнне республикада Корбан гаете башлана, дип хәбәр итә ТР Хезмәт, эш белән тәэмин итү һәм социаль яклау министрлыгы матбугат хезмәте.

Моннан тыш, алдагы көнне, 19 июльдә, эш көне бер сәгатькә кыскартылачак.

«Россия Федерациясе Хезмәт Кодексының 95 маддәсенең 1 өлешендә күрсәтелгәнчә, эшләми торган бәйрәм көненә туры килгән эш көне яки сменаның озынлыгы бер сәгатькә киметелә», — дип искәрттеләр министрлыкта.

Татарстанда бу бәйрәмне ничек билгеләп үтү ниятләнүе, көтелгән чаралар, антиковид кагыйдәләре хакында «Татар-информ» материалында хәбәр ителә.

#ял көне #Корбан бәйрәме

Сәхифәләр

Татарстан Хезмәт министрлыгы киләсе атнада өстәмә ял көне турында искә төшерде