Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Хезмәт министрлыгы июль аенда булачак өстәмә ял көне турында сөйләде
Татарстанда 20нче июль эшләми торган ял көне булачак, ә 19 июльдә эш көне бер сәгатькә кыскара.
(Казан, 5 июль, «Татар-информ», Наталья Рыбакова). Корбан гаетен бәйрәм итү уңаеннан Татарстанда июль аенда өстәмә ял көне булачак, дип хәбәр иттеләр республиканың Хезмәт, эш белән тәэмин итү һәм социаль яклау министрлыгында.
«Ай календаре һәм гореф-гадәтләр буенча Корбан гаете туры килә торган көн Татарстан Президенты карары белән билгеләнә. Республиканың Диния нәзарәте мәгълүматларына караганда, 2021 елда мөселманнарның Корбан бәйрәме көне 20 июльгә туры килә», — диделәр министрлыкта.
Шулай итеп, Татарстанда 20нче июль эшләми торган ял көне булачак. 19 июльдә эш көне бер сәгатькә кыскара.
Алдарак «Татар-информ» республика Президенты Рөстәм Миңнеханов мөселманнарның Ураза һәм Корбан гаете бәйрәмнәрен уздыру көннәрен раслады дип хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз