Җәмгыять 16 сентябрь 2020 11:55

Татарстан халкын «Әниләр көне» фестивалендә катнашырга чакыралар

Республикада яшәүчеләр әнисенә мәхәббәтен һәм рәхмәтен фотографияләр, иншалар бәйгесендә белдерә ала.

Скопировать ссылку

(Казан, 16 сентябрь, «Татар-информ»). Татарстанда яшәүчеләрне «Әниләр көне» бөтенроссия фестивале бәйгеләрендә катнашырга чакыралар. Бу хакта оештыручылар хәбәр итә.

«Әни хыялы» бәйгесе Instagram, Facebook, TikTok, «ВКонтакте», YouТube һәм https://многодетные-семьи.рф/mama сайтында уза.

«Минем әниемнең хыялы» дигән темага фотография яки видеоматериалларны #Моямамамечтает хештегы белән куярга кирәк.

Ике конкурс буенча эшләрне https://многодетные-семьи.рф/ сайтында тапшырып була. Катнашучылар ике төрле темага: «Әни — гаилә традицияләрен саклаучы» (бу гаилә традицияләре турында искиткеч вакыйга) һәм «Әниемнең уңыш сере» (күп балалы әниләрнең уңышка ирешүе турында) иншалар яза ала.

Гаризалар 30 сентябрьгә кадәр кабул ителә, 15 октябрьдә җиңүчеләрне игълан итәчәкләр.

«Әниләр көне» бөтенроссия фестивале апрель аенда башланды. 9 ноябрьдә фестивальнең финал концерты була, телетрансляцияне 29 ноябрьдә карап булачак.

#бәйге #Әниләр көне

Сәхифәләр

Татарстан халкын «Әниләр көне» фестивалендә катнашырга чакыралар