Җәмгыять 6 май 2020 10:38

Татарстан халкы бүгеннән SMS-пропуск ярдәмендә зиратка бара ала

4нче максат буенча пропускны атнага бер тапкыр алырга мөмкин, ул бер сәгать дәвамында гамәлдә була.

Скопировать ссылку

(Казан, 6 май, «Татар-информ»). Бүгенге көннән башлап Татарстанда яшәүчеләрнең зиратка SMS-пропуск сервисы ярдәмендә бару мөмкинлеге барлыкка килде. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.

Бу максат буенча пропускны атнага бер тапкыр алырга мөмкин, ул бер сәгать дәвамында гамәлдә. Элегрәк исемлектәге 4нче номерлы максатта «җирләүләрдә катнашу» күрсәтелгән иде. Үзгәрешләр кертү турында карар 30 апрельдә имзаланды. Исегезгә төшерәбез, зиратларга баруны тыю Татарстанда 11 апрельдән гамәлгә кергән иде.

Цифрлы пропускны онлайн, шәхси кабинет аша https://covid19.tatarstan.ru/ порталында һәм 2590 кыска номерга SMS-хәбәр җибәреп рәсмиләштерергә мөмкин.

#Смс-пропуск

Сәхифәләр

Татарстан халкы бүгеннән SMS-пропуск ярдәмендә зиратка бара ала