Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Хөкүмәте вице-премьеры Васил Шәйхразиев Финляндиягә сәфәр кыла
Милли Шура рәисе Финляндиядә яшәүче татарлар белән очрашачак.
(Казан, 26 ноябрь, «Татар-информ»). 26-27 ноябрьдә Милли Шура рәисе, Татарстан Хөкүмәте вице-премьеры Васил Шәйхразиев Финляндиядә сәфәрдә булачак, дип хәбәр ителә Бөтендөнья татар конгрессы сайтында.
Беренче көнне — 26 ноябрьдә ул, Хельсинкидагы мөселман зиратына барып, анда җирләнгән милләттәшләребез рухын зыярәт кылуда катнашачак, соңыннан Финляндия Ислам җәмгыяте вәкилләре белән очрашачак. Шулай ук сәфәр программасында данлыклы Суоменлинна (Suomenlinna) кальгасы белән танышу да каралган.
Икенче көнне Васил Шәйхразиев Рамил Беляевнең «Финляндиянең татар диаспорасы: интеграция һәм милли үз йөзен саклау мәсьәләләре» дигән темага диссертациясен яклау чарасында катнашачак.
Кич белән милләттәшләребез Милли Шура рәисе белән тантаналы кичке аш вакытында аралаша алачаклар.
Кызыклы яңалыкларны күзәтеп бару өчен Телеграм-каналга язылыгыз