Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Гидрометеорология үзәге су басу куркынычы турында кисәтә
Әлегә республиканың кече елгаларында су дәрәҗәсе куркыныч күрсәткечләрдән шактый түбән.
(Казан, 30 март, «Татар-информ»). Татарстанга җылылык килү белән, фаразланган яңгырлар кар эрүен активлаштырачак. Бу исә төрле урыннарны су басу куркынычын тудыра. ТР Гидрометеорология үзәге шул хакта кисәтә.
Республика шәһәрләрендә түбән урыннарда күпләп су җыелырга мөмкин. Кече елгаларда су акрынлап күтәрелә башлады. Түбәнлекләрдә, елга уентыкларында кар сулары басу куркынычы туа, дип искәртә метеорологлар.
Моннан тыш, елгаларның тараю урыннарында — күпер астында, бормаларда һәм елга үзәненең салмак борылышларында боз, кар, су җыелып калу куркынычы бар. Шулай ук тулы буалар, елгалар ташып, техноген аварияләр һәм кеше тормышында бәхетсезлекләр китереп чыгарырга мөмкин.
Әлегә республиканың кече елгаларында су дәрәҗәсе куркыныч күрсәткечләрдән шактый түбән.
Кызыклы яңалыкларны күзәтеп бару өчен Телеграм-каналга язылыгыз