Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан Гидрометеорология үзәге: Атна азагына +30 градуска кадәр җылытачак
Россия Гидрометеорология үзәге фаразлавынча, Татарстанда июльдә уртача айлык һава температурасы климат нормасыннан ярты градуска югарырак булачак. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.
Җәйнең икенче аенда температура нормасы Казанда 20,5 градус, ә республикада 19,9 градус тәшкил итә. Явым-төшем күпъеллык уртача күрсәткечләргә якын булачак, дип фаразлана. Казанда норма күрсәткече 63 миллиметр, ә республикада 56 миллиметр тәшкил итә.
«Июльнең беренче декадасында температура климат нормасыннан бер градуска югарырак булачак. Бу чор өчен норма республикада 19,6 градус, ә Казанда 19,1 градус», — диде Феликс Гоголь.
Аның сүзләренчә, һава торышындагы сизелерлек үзгәрешләр атмосфера циркуляциясе белән бәйле.
«Июньдә республикада көнбатыштан килгән һава агымнары өстенлек итсә, хәзер — югары басым кыры. Шуңа күрә явым-төшемнәр туктады. Температура фоны әкренләп күтәреләчәк, атна азагына максималь температура 30 градус тирәсе булачак, дип көтелә», — дип билгеләде Гоголь.
Яңалыкларны күзәтеп бару өчен Макс-каналга язылыгыз