Татарстан Гидрометеорология үзәге алдагы тәүлектә -1 градус суык булачагы турында кисәтте
Скопировать ссылку
11 һәм 12 сентябрьдә Татарстан территориясендә һава һәм туфракта урыны белән -1 градуска кадәр суыта. Татарстан Гидрометеорология үзәге шул турыда хәбәр итте.
Бүген төнлә Казанда 5-7 градус җылылык көтелә, иртәгә көндез +13..+15 градус була. Җил төньяк-көнбатыштан исәчәк, явым-төшем көтелми.
Татарстан буенча, якшәмбе көнне урыны белән яңгыр явачак. Уртача тизлектәге җил төньяк-көнбатыштан көтелә. Төнге сәгатьләрдә һава температурасы +2..+7 градуска кадәр, урыны белән -1 градуска кадәр төшәчәк. Иртәгә көндез +11..+16 градус җылылык фаразлана.