Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстан Гидрометеорология үзәге җәйге давыллар һәм өермә турында кисәтте
2025 елның җәендә Татарстанда куркыныч метеорологик күренешләр - давыл, өермә, боз, яшен һәм башкалар булырга мөмкин. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.
«Безнең төбәктә куркыныч метеорологик күренешләрдән башка бер генә җәй дә булмады, һәм сүз агрометеорология турында гына бармый. Мондый күренешләргә көчле җил, мул явым-төшем, корылык керә. Туфракның артык дымлануы мөмкин. Вегетация чорында куркыныч метеорологик күренешләрнең бөтен комплексы булган еллар да бар», - дип белдерде ул.
Нык антициклоннар сәбәпле, озак вакыт җил һәм явым-төшем булмый, ә ул һавада пычраткыч матдәләр туплануына китерә. Мондый шартларда кешеләр өчен уңайсыз шартлар барлыкка килә.
«Әгәр антициклоник эшчәнлек өстенлек итсә һәм эссе, тотрыклы стратификация булса, атмосферада пычрак җыелачак», – дип билгеләп үтте ТР Гидрометеорология үзәге башлыгы.
Кызыклы яңалыкларны күзәтеп бару өчен Телеграм-каналга язылыгыз