Татарстан Футбол федерациясе Рәис вазифасына Миңнеханов кандидатурасын хуплады
«Татарстан Республикасы Футбол федерациясе» Төбәк иҗтимагый оешмасы президиумы төбәкнең гамәлдәге башлыгы Рөстәм Миңнехановны 2025 елның 14 сентябрендә узачак сайлауларда Татарстан Республикасы Рәисе вазифасына тәкъдим ителүен бертавыштан хуплады. Бу хакта Татарстан Футбол федерациясенең матбугат хезмәте хәбәр итә.
Федерация мөрәҗәгатендә әйтелгәнчә, Миңнеханов җитәкчелегендә республикада спорт, шул исәптән футбол үсеше буенча масштаблы эш алып барыла. Бүген Татарстанда 12 меңнән артык спорт объекты бар, республикада яшәүчеләрнең 65 проценты системалы рәвештә физик культура һәм спорт белән шөгыльләнә. Футбол белән якынча 65 мең кеше шөгыльләнә, 55 футбол мәктәбе һәм бүлеге эшли.
Миңнехановның профессиональ футбол һәм «Рубин» клубы инфраструктурасы үсешенә керткән өлеше аерым телгә алына. Аның җитәкчелегендә команда Россия һәм халыкара аренада югары дәрәҗәләргә иреште, ә Казанда төп спорт объектлары, шул исәптән «Ак Барс Арена» стадионы төзелде һәм модернизацияләнде.
Федерация, Миңнеханов алга таба җитәкчелек иткәндә Татарстанның футбол тармагы динамик рәвештә үсүен дәвам итәчәк, дигән ышаныч белдерде.