news_header_top
Руc Тат
16+
news_header_bot
news_top
Авыл 12 апрель 2010 17:11

Татарстан фермеры Елена Магина йорт куяннары һәм дуңгызларның баш санын арттырырга ниятли

Моның өчен ул зур ферма төзүне максат итеп куя

Скопировать ссылку
(Казан, 12 апрель, “Татар-информ”, Ирина Игнатьева). Татарстанның Биектау районы фермеры Елена Магина йорт куяннары һәм дуңгызларның баш санын арттырырга ниятли. Бу хакта “Татар-информ” агентлыгына Татарстанның Фермерлар һәм крестьян хуҗалыклары ассоциациясеннән хәбәр иттеләр.
Бүгенге көндә Е.Магина хуҗалыгында 700 баш йорт куяны бар. Ул аларның 90 процентка якынын тере килеш сата. Йорт куяннарын Татарстан районнарында да, Россия төбәкләрендә дә сатып алалар. Ферманы төзү эшләрен тәмамлагач аларның баш санын 2,5-3 меңгә кадәр җиткерү мөмкинлеге туачак.
Е.Магина хуҗалыгында 10 ана дуңгыз исәпләнә. Бу җәйдә аларның саны 50 гә артачак. Ул чагында фермер үз алдына куйган бурычны (бер елда 1500 гә якын дуңгыз баласы сату) гамәлгә ашыру мөмкинлеге туачак. Ул аларны Татарстанның крестьян-фермер хуҗалыклары һәм агросәнәгать комплексы предприятиеләренә озатырга ниятли.

news_right_1
news_right_2
news_bot