Авыл 13 май 2010 18:26

Татарстан фермерлары ярма җитештерүне җайга салды

Ашлык Татарстанның Буа районындагы “Мирас” кооперативы базасында эшкәртелә

Скопировать ссылку

(Казан, 13 май, “Татар-информ”, Ирина Игнатьева). Татарстанның Буа районындагы “Мирас” эшкәртү кооперативы арпа ярмасының тәүге партиясен җитештерде. Әлеге кооперативны райондагы бер фермер хуҗалыгы башлыгы Расыйх Мифтахетдинов җитәкли. Бу хакта “Татар-информ” агентлыгына Татарстанның Фермерлар һәм крестьян хуҗалыклары ассоциациясе рәисе Камияр Байтимеров хәбәр итте.
Ярма җитештерүдә районның күп кенә фермерлары катнаша, алар чимал белән тәэмин итә. Проектның файдасы зур булыр дип көтелә. Моннан соң фермерлар арпа, бодай, карабодай, солы һәм башка культураларны арзан бәягә сатып җибәрмәячәк, чөнки бер килограмм ярманың бәясе шактый кыйммәт тора.
Кооператив хезмәткәрләре тәүлегенә 10 тонна ашлык эшкәртергә ниятли. Әзер продукцияне Татарстанда гына түгел, Россиянең башка төбәкләрендә дә сату күздә тотыла.

Сәхифәләр

Татарстан фермерлары ярма җитештерүне җайга салды