Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан фермерлары быел ашлык саклау өчен 7 элеватор төзергә ниятли
Проект ТР Инвестицион үсеш агентлыгы ярдәмендә тормышка ашырылачак
(Казан, 6 гыйнвар, “Татар-информ”, Ирина Игнатьева). Татарстан фермерлары 2012 елда ашлык саклау өчен 7 элеватор төзергә ниятли. Проект ТР Инвестицион үсеш агентлыгы ярдәмендә тормышка ашырылачак. “Татар-информ” агентлыгы хәбәрчесенә ТР Фермерлары һәм крестьян хуҗалыклары ассоциациясе рәисе Камияр Байтимеров шулай дип белдерде.
Бер элеваторның проект бәясе якынча 200 млн сум тора. Һәрберсе 25-30 мең тонна ашлык сыйдырырга сәләтле бу объектлар республиканың төрле зоналарында сафка басачак. Мәсәлән, биш элеватор тимер юл янәшәсендә төзеләчәк, калган икесе-елгалар ярында.
2012 елда Буа һәм Әлмәт районнарында ашлык саклау өчен ике объектны сафка бастыру планы бар.
Яңа элеваторлар төзелү белән, фермерларга ашлык саклау өчен акчаларын мөмкин кадәр күбрәк янга калдырырга юл ачыла. Элеваторлар сафка баскач, алар үзләре үк терлекчелекне үстерү өчен кирәкле катнаш азык җитештерә башлаячак.
Кызыклы яңалыкларны күзәтеп бару өчен Телеграм-каналга язылыгыз