Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан эзтабарлары җәйге сезонга нәтиҗәләр ясады
Андрей Кондратьев буыннар элемтәсен тәэмин итүдә аерылгысыз шарт буларак эзтабарлар хәрәкәтенең бөтен республика өчен әһәмиятен ассызыклады
(Казан, 6 сентябрь, «Татар-информ»). 3-5 сентябрь көннәрендә Татарстан аэроклубы территориясендә (Коркачык бистәсе) республика эзтабарлар хәрәкәтенең X юбилей фестивале узды. Фестивальдә республикадагы эзтабарлар отрядларына керүче 250 вәкил, шулай ук Казан дәүләт университеты, Казан дәүләт технология университеты, Туполев исемендәге Казан дәүләт техник университеты, Татар дәүләт гуманитар-педагогика университеты, Казан дәүләт энергетика университеты, “ТИСБИ” идарә адемиясе, Икътисад, идарә итү һәм хокук институтының студентлар эзтабарлар отрядлары катнашты.
Фестиваль ачылышына ТР яшьләр эшләре, спорт һәм туристлык министры урынбасары Андрей Кондратьев, “Патриот” үзәге директоры Вильсор Камильянов, “Ватан” берләшмәсе” иҗтимагый оешмасы рәисе Александр Коноплев, шулай ук Бөек Ватан сугышы ветераннары килгән иде.
Андрей Кондратьев буыннар элемтәсен тәэмин итүдә аерылгысыз шарт буларак эзтабарлар хәрәкәтенең бөтен республика өчен әһәмиятен ассызыклады. Татарстанның иң яхшы эзтабарларына “Ватанпәрвәрлек өчен” билгеләре тапшырылды.
Фестиваль кысаларында тематик мастер-класслар, шулай ук футбол, волейбол буенча традицион ярышлар, отрядларның визит карточкалары конкурсы узды, дип хәбәр ТР Яшьләр эшләре, спорт һәм туристлык министрлыгының матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз