Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстан елгаларында суның биеклеге күпьеллык уртача күрсәткечләрдән түбән кала
Татарстан елгаларында суның биеклеге күпьеллык уртача күрсәткечләрдән түбән кала, узган тәүлектә 1 см дан 25 см га кадәр арткан. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсендә сөйләделәр.
Югары Ослан янындагы Куйбышев сусаклагычында хәзер суның биеклеге 51,05 метр тәшкил итә, бу әле һаман да 54,24 метр критик билгесеннән ерак. Чаллы янындагы Түбән Кама сусаклагычында да суның биеклеге күтәрелде, ләкин куркыныч күрсәткечләрдән түбәнрәк калды.
Ул арада балыкчыларның бозга күпләп килүе сигез ноктага кадәр кимесә дә, сусаклагычларның кайбер участокларында бозларның хәрәкәте күзәтелә. Коткаручылар һава мендәрендәге махсус суднолар кулланып, вазгыятьне күзәтүне дәвам итә.
Су биеклеге мониторингы Татарстан елгаларында һәм буаларында урнаштырылган 113 гидропостта үткәрелә.
Кызыклы яңалыкларны күзәтеп бару өчен Телеграм-каналга язылыгыз