Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Татарстан экологлары су саклау зоналарының санитар торышын тикшерәчәк
Татарстанда 1 апрельдә башланып киткән санитар-экологик икеайлык язгы ташу чорына туры килә. Шуңа күрә инспекторлар су саклау зоналарының санитар торышына аерым игътибар юнәлтәчәк. Бу хакта «Татар-информ»га ТР экология һәм табигый байлыклар министрының беренче урынбасары Илнур Гобәйдуллин хәбәр итте.
«Су кодексы маддәләре нигезендә, су саклау зоналарында экологик нормаларны үтәгән очракта билгеле бер гамәлләр рөхсәт ителә, ләкин шулай да еш кына хокук бозулар очрый. Мисал өчен, су саклау зоналары янында урнашкан җир участокларының милекчеләре гомуми кулланылыштагы яр буе полосаларында нәрсә дә булса төзү, авыл хуҗалыгы предприятиеләре эшчәнлеге нәтиҗәсендә суга басулардан пычрак агынтылар агып төшү. Моңа аерым игътибар юнәлтәчәкбез» - диде ул.
Мондый контрольнең максаты – елгаларга яр буе яны зоналарыннан терлекчелек калдыклары һәм ашламалар эләгүне булдырмау.
Элегрәк ТР экология һәм табигый байлыклар министры Александр Шадриков авыл хуҗалыгы предприятиеләренә лагуналар төзергә киңәш иткән иде.
«Бу киңәш кенә түгел, ә кирәкле чара. Нәтиҗәләрне бетерүгә һәм күзәтчелек ведомстволарыннан штрафлар алуга караганда профилактика күпкә нәтиҗәлерәк», - дип билгеләде Шадриков.
Шулай ук ТР Экология министрлыгында рөхсәтсез оештырылган чүплекләрне кем җыярга тиешлеген аңлаттылар.
Кызыклы яңалыкларны күзәтеп бару өчен Телеграм-каналга язылыгыз