Икътисад 16 декабрь 2018 16:10

Татарстан эчке туризмнан алынган табышның күләме буенча алдынгы 10 төбәк арасына керде

Рейтингта Краснодар крае – беренче, Санкт-Петербург – икенче, Новосибирск өлкәсе өченче урынны били.

Скопировать ссылку

(Казан, 16 декабрь, «Татар-информ»). Татарстан 2018 елның гыйнвар — октябрь айларында эчке туризмнан алынган табышның күләме буенча Россиянең әйдәп баручы 10 төбәге арасына керде. Бу хакта, Саклык банкы тикшеренүләренә таянып, «Ведомости» газетасы яза.

Рейтингта Краснодар крае – беренче, Санкт-Петербург – икенче, Новосибирск өлкәсе өченче урынны били. Моннан тыш, унлыкка Мәскәү шәһәре һәм өлкәсе, шулай ук Владимир һәм Тверь өлкәләре кергән, дип билгеләп үтә басма.

Шул ук вакытта Россиядә бары тик 30 төбәк кенә эчке туризмнан табыш ала.

Федерация субъектының эчке туризмнан кергән табышын билгеләү өчен, банк аналитиклары ил буенча туристик һәм эшлекле сәфәрләрдә туристларның чыгымнары белән җирле халыкның чыгымнарын чагыштырып караган.

#туризм #Казан

Сәхифәләр

Татарстан эчке туризмнан алынган табышның күләме буенча алдынгы 10 төбәк арасына керде