Хәвеф-хәтәр 3 февраль 2010 16:48

Татарстан Эчке эшләр министрлыгында 120 гә якын җинаятьчел төркем исәптә тора

Шуларның 40 ка якыны “проблемалар” китереп чыгарырга мөмкин

Скопировать ссылку

(Казан, 3 февраль, “Татар–информ”, Эмма Ситдыйкова). Татарстан Эчке эшләр министрлыгында 120 гә якын җинаятьчел төркем исәптә тора. Шуларның 40 ка якыны “проблемалар” китереп чыгарырга мөмкин, дип хәбәр итте бүген ТР буенча Эчке эшләр министрлыгында узган брифингта министрлыкның оператив–эзләү часте башлыгы Павел Серов.
Хәзерге вакытта иректән мәхрүм итү урыннарында җәза срогы узучы җинаятьчел төркем әгъзаларын да тәртип сакчылары үз контролендә тота. Таркалган җинаятьчел төркемнәр дә исәптә тора, алар республикадагы криминаль хәлгә йогынты ясарга мөмкин.
Шуның белән бергә, Павел Серовның сүзләренә караганда, республикада җинаятьчел төркемнәргә бәйле вәзгыять тотрыклы. “Бүгенге көндә бу – зур булмаган бригадалар, алар нигездә хәзерге вакытта исәптә торучы оешкан җинаятьчел төркемнәрнең территорияләрендә урнашкан. Бу аларның “яшьләр канаты”. Проблема бар, әмма ул бүген алай ук кискен тормый. Оешкан җинаятьчелеккә каршы көрәш буенча алып барылган эш үз нәтиҗәләрен бирде. Бүгенге көндә оешкан җинаятьчел төркемнәрнең дә, яшьләр берләшмәләренең дә активлыгы түбән”, – дип ассызыклады ул.

Сәхифәләр

Татарстан Эчке эшләр министрлыгында 120 гә якын җинаятьчел төркем исәптә тора