Дин 17 сентябрь 2019 08:15

Татарстан Диния нәзарәте Казанда «Лекторий» ача

Мөселман яшьләренең «Фикерләшү клубы» ребрендингтан соң «Лекторий» дип атала.

Скопировать ссылку

(Казан, 17 сентябрь, "Татар-информ"). Яңа сезонда «Яшь килен» исемен алган «Мөслимәләр мәктәбе» проекты белән беррәттән, мөселман яшьләренең «Фикерләшү клубы» да ребрендинг узды. Хәзер ул «Лекторий» дип аталачак. Исеме белән бергә проектның форматы да үзгәрә. Бу турыда Татарстан Диния нәзарәте матбугат хезмәте хәбәр итте.

Ай саен танылган спикерлар катнашында кызыклы ачык лекцияләр һәм фикер алышулар була.

«Экстремизмга – юк!» айлыгы кысаларында узачак беренче очрашу «Сак булыгыз: секталар!» дигән темага багышлана. Спикерлар булып ТР мөселманнары Диния нәзарәтенең шәригать мәсьәләләре бүлеге белгечләре чыгыш ясый.

Алар секталар йогынтысыннан саклану юллары турында сөйләячәк. «Беренче лекциядән соң тыңлаучылар мәгълүматны дөрес кабул итәргә, хакыйкатьне ялганнан аера белергә өйрәнәчәк», – ди оештыручылар.

#лекторий

Сәхифәләр

Татарстан Диния нәзарәте Казанда «Лекторий» ача