Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Диния нәзарәте дөнья чемпионы Айрат Кәлимуллинга дәвалану өчен ярдәм җыя
Ул бүгенге көндә җитди авыру белән көрәшә – анда 4нче дәрәҗәдәге яман шеш.
(Казан, 17 декабрь, «Татар-информ»). Татарстан Республикасы мөселманнары Диния Нәзарәтенең “Зәкят” хәйрия фонды танылган мөселман спортчысы, джиу-джитсу буенча дөнья чемпионы, ТР джиу-джитсу федерациясе президенты Айрат Кәлимуллинга дәвалану курсын узу өчен акча җыюны дәвам итә.
Айрат Кәлимуллин Баку шәһәрендә махсус онкология клиникасында дәвалану курсын уза башлады. Ул бүгенге көндә җитди авыру белән көрәшә – анда 4нче дәрәҗәдәге яман шеш. Әлеге яман авырудан дәваланып чыгу өчен аңа Азәрбайҗанда махсус клиникада 3 дәвалану курсын узарга кирәк.
Тулы дәвалану курсларын үтәр өчен 1 800 000 сум акча таләп ителә. Айрат Дамир улы, актив тормыш рәвешен алып барса да, 2нче төркем инвалид булып тора һәм клиникада дәвалану өчен чыгымнарны үзе капларлык хәлдә түгел. Нәзарәтнең "Зәкят" һәм РФ мөселман эшмәкәрләре Ассоциациясенең хәйрия фондлары ярдәмендә бүгенге көндә 1 642 338,61 сум җыелды, тагын 157 661,39 сум җыясы калды.
Айрат Кәлимуллинга ярдәм итүнең ысуллары Диния нәзарәте сайтында урнаштырылган.
Кызыклы яңалыкларны күзәтеп бару өчен Телеграм-каналга язылыгыз