Җәмгыять 21 декабрь 2017 16:27

Татарстан депутатлары "Язылу бүләк ит" акциясенә кушылды

Чара Татарстан Республикасы Дәүләт Советында узды.

Скопировать ссылку

(Казан, 21 декабрь, “Татар-информ”, Надежда Гордеева). Татарстан Республикасы Дәүләт Советында “Татмедиа” акционерлык җәмгыятенең “Язылу бүләк ит” акциясе узды. Депутатлар һәм чакырылган кунаклар төрле басмаларга 200ләп язылу теркәде.

Акциягә депутатлар Татьяна Ларионова, Юрий Камалтынов, Рифнур Сөләйманов, Ирек Салихов, Профсоюзлар федерациясе җитәкчесе Татьяна Водопьянова, Татарстан сәламәтлек саклау министры Гадел Вафин һәм башкалар кушылды.

Татарстан Республикасы Дәүләт Советы рәисе Баулы картлар һәм инвалидлар йортына өч басма – “Республика Татарстан”, “Ватаным Татарстан” һәм “Сөембикә” журналын яздырды.

Әлеге проектта “Татмедиа” акционерлык җәмгыятенең теләсә-кайсы басмасын бүләк итеп яздырып катнашып була.

Акция бер генә ел дәвам итми. Анда һәрвакыт күренекле дәүләт һәм җәмәгать, мәдәният эшлеклеләре катнашып килә.

#Дәүләт Советы #"Язылу бүләк ит"

Сәхифәләр

Татарстан депутатлары "Язылу бүләк ит" акциясенә кушылды