Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан дәүләт җыр һәм бию ансамбле Самарада концерт куйды
Идел буе Болгар дәүләтендә ислам дине рәсми рәвештә кабул ителүнең 1100 еллыгын бәйрәм итү уңаеннан Татарстан дәүләт җыр һәм бию ансамбле «Болгар эзләреннән» концерт программасы белән гастрольләргә чыкты.
«13 майда Әстерханның «Аркадия» мәдәният сараенда, 16 майда Волгоградның Офицерлар йортында гөрләп үткән гастрольләрдән соң, 72 кешелек ансамбль Самарага килеп җитте», дип яза Бөтендөнья татар конгрессының матбугат хезмәте.
Самарада беренче өлештә оркестр һәм хор татар халык җырларын, татар биюләре программасын тәкъдим итте. Концертның икенче бүлегендә «Туй» музыкаль-хореографик спектакле күрсәтелде. Ул Казан һәм Себер татарларының XIX гасыр ахыры – ХХ гасыр башына караган фольклор-этнографик документларга нигезләнеп эшләнгән.
Тамашачылар борынгы татар туйларының гореф-гадәтләре, җыр-биюләре, уеннары, бай киемнәре, бирнәләре һәм бүләкләре белән танышты. Бу спектакльне сәхнәгә кую өчен архивларда сакланган документларны күтәрергә, халык телендә сакланып килгән туй җырларын эзләп табарга туры килгән.
Самарага алып килгән «Туй» мәҗлес-тамашасы да заман таләпләренә җавап бирә. Программаларында һәрвакыт матур бизәкле, күңелгә дәрт бирүче номерлар урын ала. Шулар арасында Самара өлкәсенең Камышлы районындагы Иске Ярмәк авылының «Вак бию»е дә бар.
Концерт тәмамлангач, сәхнәгә Талип хәзрәт Яруллин, «Туган тел» җәмгыяте президенты Ильяс Шәкүров, «Болгар мирасы» тарихи фонды директоры Гүзәл Сәгәдәтова, Самарада татар концертларын оештыручы Флорида Локманова ансамбльнең татар гореф-гадәтләрен, традицон культурасын саклау һәм үстерү эшенә керткән зур өлешен билгеләп үтте, самаралыларның чиксез рәхмәтләрен белдерде, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз